وصف كامل لحفلة تامر بلسان شقيقه

امبارح كان يوم بجد يا جماعه خيال واكتر من الخيال بجد

الاول طلعت الساعه 3 بالضبط على رمسيس واستقبلت اهلاوى وكامو والناس اللى جايه من اسكندريه انا وكان معاهم بودى وخالد وفيدو

وبعدين وقفنا نتكلم شويه وروحنا على الاوبرا على طول واستنينا الناس وجمعناهم وجت هاله وجابتلنا التكتات اللى بأسم الرابطه

ووزعناهم على الناس والحمدلله كله اخد التكتات وكله كان تمام بجد كان ميتنج حلو اوى يا جماعه ماتتخيلوش فرحتى بالناس كانت عامله ازاى

احساس حلو اوى لما تلاقى ناس من جميع انحاء الوطن العربى موجودين سفيره سوريا نوره و والدتها كانت موجوده

وناس من لبنان وناس من السعوديه وناس من دبى دة غير الناس اللى جايين من الصعيد ومن بحرى مخصوص علشان حفله تامر

حتى الاطفال الصغيره جايين مع اهلهم علشان يحضروا حفله لتامر المهم جيبنا تكتات لكل الناس ودخلناهم معززين مكرمين لحد جوه

وبعد كدة فضلت انا واهلاوى برا بعد ما دخلنا الناس مستنين داليا ابو الوفا علشان نخش معاها باك ستيدج

وفعلا داليا جت والجديد بقى يا جماعه ان انا وداليا واهلاوى كنا دافعين زينا زي اى حد والله العظيم حتى داليا نفسها دفعت تكت لنفسها

علشان تبقى حاجه قليله نشارك بيها فى الحفله والتبرعات وفعلا جيبنا تكتات فى اى بى ودخلنا جوه وبعد كدة دودو كلمت تامر يحي

والناس علشان يجوا ياخدونا باك ستيدج وهو دة فعلا اللى حصل بجد كانت دودو امبارح البادى جارد بتاعى انا واهلاوى

والله ما بهزر كان اى حد يقولنا انتوا هنا ازاى ومع مين او حد يكلمنا بس او مجرد تفكير انه يضايقنا نلاقى داليا بتقوله دول تبعى

مالكش دعوه بيهم نلاقى الناس كان كهربا كهربتهم يروحوا باعدين عننا وسايبينا براحتنا على الاخر ونلف براحتنا باك ستيدج

طبعا روحنا لاقينا تامر فى الحفله من قبلنا اساسا وكالعاده محترم مواعيده ومواعيد جمهوره بجد قمه فى الاحترام يا جماعه

وبعد كدة كان بيغير هدومه وبعد ما غير ولبس اللبس اللى هيظهر بيه داليا دخلتله علشان كان متوتر اوى قبل الحفله

واديتله مايه يشرب وبعدين اتكلموا مع بعض شويه وتامر طلع على الستيدج بعدها على طول وهو بيجرى

وفجاه لاقينا دخله تامر اشتغلت وفجاه لاقينا ولاول مره فى الدنيا كلها صوت جمهور يبقى اعلى من صوت اكتر من 200 سماعه على الستيدج يا جماعه وفى ارجاء النادى كله

بجد كانت حاجه خيال وفجاه الستيدج اتفتح وتامر طلع للناس لاقينا الستيدج والله يا جماعه بيتهز من كتر التسقيف والصويت

تامر طلع زى النجوم العالميين من تحت التسيدج رافع علم مصر وبيغنى اغنيه بحبك يا مصر وبعد ما خلص الاغنيه وسط هتاف الجمهور

قال انا عايز اسمع سقفه كبيره اوى لـ جمهوريه مصر العربيه واكد ان هو هنا النهارده علشان ياسعد منكوبى السيول فى مصر

وبعد كدة شكر املنظمين والجمهور اللى حضر الحفله بجد كان اكتر من 30 الف واحد فى الحفله ديه بجد حاجه وهم



تامر غنى ارجعلى وغنى بعيش وكل اللى فات وياحبيبى شوف و كوم باك تو مى طبعا مع هوس وكريم محسن

والاغنيه الجامده اوى رسمى فهمى نظمى مع الملحن الكبير محمد رحيم وكمان يا انا يانا وبعد كدة خلى رحيم يغنى اغنيه سولوا هو بس من اغانيه الجديده واغانى كتير اوى يا جماعه صدقونى مش متذكر بالضبط

دة غير اغنيتين جداد واحده لعيد الحب بأسم انا جنبك دة غير اغنيه وطنيه جديده من كلمات والحان تامر حسنى على فكره

سألت حسام وانا على الستيدج قالى ديه كلمات والحان تامر وبأذن الله هحاول اجيبهالكوا ماستر خلال الايام الجايه ديه

ورا الستيدج بقى كنا فى عالم تانى بجد يا جماعه محدش يستقل بـ اللى انتوا بتشوفوه على المسرح دة الناس اللى ورا دول بيتعبوا اوى والله

من اول عمال الاضاءه والصوت لحد الدانسرز والفرقه بجد مجهود لا يوصف فاهمين يعنى ايه الدانسرز يغيروا لبسهم

فى اقل من دقيقتين علشان يطلعوا بعد كدة على المسرح يقدمووا الاغنيه التانيه بيبقوا قاعدين ورا شغالين بروفات لحد اخر لحظه حتى وهما

طالعين على السلم لـ الستيدج بيعملوا بروفا علشان يطلع الشغل قدامكوا بالشكل الجميل اللى انتوا بتشوفوه دة

جتى عمال الصوت يعنى وتامر على الستيدج قبل نهايه الدخله بتاعته بـ اقل من 5 ثوانى لاقينا المايك بتاع تامر مقفول

فجاه لاقينا االدنيا اتكهربت وفى اقل من ثانيتين لاقينا المايك اتفتح وتامر بيغنى عادى جدا بجد الناس كانت مرعوبه بجد ورا الستيدج

وبعد كدة كان فى شيخ وقسيس اللى طلعوا على الستيدج وسجلوا مع قنوات كتير علشان يبينوا اد ايه احنا بلد واحده وكلها وحده وطنيه

وبعد كدة دودو جابت الصندوق اللى هنحط فيه الفلوس وحطينا الفلوس فيه وبعد كدة رومير جيه وادانا فلوس هاله اللى هى جمعتها واديتهاله

وحطها فى الصندوق معانا وقعدنا حضرنا الحفله باك ستيدج طبعا ماستمتعناش بيها خالص والله بس كل دة علشان نمثلكوا ونعبر عنكوا قدام الناس

بس اللى كانت بطله حقيقيه بقى بجد كانت داليا ماتتصوروش تعبت معانا ازاى فى اليوم دة والاكتر من كدة تعبت مع تامر ازاى


وبعد 4 ساعات كاملين من الغنى والفرح جيه وقت تكريمات بقى تامر كرم رجال الشرطه والمنظمين وجاب كل الناس على الستيدج معاه

ورفع علم مصر وغنى الاغنيه الجديده ورقص هو وكل الناس على انغام الاغنيه الجديده وكرم كمان اسره العسكرى الشهيد

و فى عز الحفله ما هى شغاله لاقينا واحد طلع على الستيدج بيقول لتامر انا بحبك وحلم حياتى اغنى معاك على الستيدج

فعلا تامر كان كريم لدرجه ان هو يديله المايك ويقول كمان للفرقه تعزف معاه علشان يحقق حلم الراجل دة

وفعلا الراجل غنى معاه لاكتر من 3 دقايق وغنى اغنيه ارجعلى كامله لحد ما نزل من على الستيدج معزز مكرم بدون ما حد يفتح بقه معاه حتى

وبعد كدة بـ شويه واحد اسمه محمد ياعينى اغمى عليه تحت وتامر وقف الحفله لحد ما يفوق وفضل ينادى عليه ويقوله يا محمد انا مش هكمل الحفله غير لمما تفوق

لحد فعلا ما فاق وبعد كدة تامر بس كمل الحفله وشويه ولاقينا ولد صغير طفل اسمه يوسف تاه من اهله تامر فضل ينادى على اهله فى المايك

لحد ما وصلوله واالولد وصل لـ اهله بجد ماشوفتش تواضع وحب وخير وجدعنه فى شخص زى ما بشوفها فى تامر

مجرد ما دودو قدمتنى انا واهلاوى لتامر تامر قال رابطه محبى تامر خلونى احكيلكم عن الرابطة

الرابطه فيها ناس كبار و فيها كمان أطفال صغيرين عارفين معناها ايه

فى التذاكر لا و كمان قرروا يجمعوا من بعض فلوس يتبرعوا بيها معناه ان كل واحد اتبرع بفلوس ممكن تكون هى كل اللى معاه علشان اخوه

معناه ان طفل كسر حصالته اللى محوش فيها مصروفه عشان يتبرع لاخواته منكوبى السيول ناس من بره مصر تعبت و بعتت فلوس عشان اخوانتهم فى مصر

هما دول الرابطة و هو ده احساسهم قد ايه احساس جميل و قد ايه دول ناس بتحب بجد

و قال انا بشكر أحمد و هالة لمجهودهم

طبعا احنا جمعنا 12 الف جنيه تقريبا تبرعات دة غير 5 الاف تكيتات يعنى تقريبا 20 الف جنيه

وطبعا ناس كتير اتبرعت بـ ارقام خياليه شركات ورجال اعمال كبيره دة غير تبرعات تامر والفنانين بجد كانت حاجه تفرح

طبعا انا اول ما طلعت على الستيدج اترعبت من منظر الناس لدرجه ان تامر بعد ما سلم على اهلاوى جاى لسه هيسلم عليا روحت من كتر كسوفى روحت سايبه وماشى جنبه

ههههههههههه بس والله غصب عنى بجد المنظر من فوق كدة يرعب اى حد ماشاء الله عليكوا بجد كنتوا كتار اووووى الحمدلله

وبعد كدة طبعا لازم نهدى لتامر حاجه جديده بأسمنا وهى البوستر بتاعنا البوستر الرسمى للحفله كان الحفله ديه اللى مصممه فيدو اجمد ديزاينر فى الدنيا كلها

اول ما اتفتح البوستر لا قيت الجمهور كله بيسقف وبيصوت والدنيا اترجت بينا واحنا على الستيدج من كتر تسقيف الناس

تامر بص للبوستر باعجاب كدة وقال طب والله حلو اوى يا جماعه وشكرنا وحضنى وبعد كدة نزلنا من على الستيدج

و ديه صوره من موقع فى الفن لتامر وهو شايل البوستر لحد بس ما ماستر الصور والفيديوهات يوصلنا بأذن الله شي كم يوم

تنبيه من الأدارة: الذي كان يتحدث اخ تامر صاحب موقع تامر الأصلي وكل اسم تاني طلع مثل دودو هي مشرفة بالموقع اللي لتامر بس تامر في الحفلة شكر لكل المنتديات المصممة على اسمه وبيشكر كل واحد بيحبه